Հայկական բարեգործական ընդհանուր միության`Մարի Մանուկյան վարժարանում նշել են հայկական մշակույթի օրը: Սփյուռքում գործող ամենամեծ հայկական վարժարաններից մեկում , անում են հնարավորը հայկական մշակույթն ու ավանդույթները լավագույնը ներկայացնելու համար: Տոնական միջոցառման ընթացքում, հատուկ մեծարանքի են արժանացել դպրոցում երկար տարիներ աշխատած ուսուցիչները

Հովանաւորութեամբ Հիւսիսային Ամերիկայի Արեւմտեան թեմի առաջնորդ՝ Գերաշնորհ Տէր Յովնան արքեպիսկոպոս Տէրտէրեանի, Հինգշաբթի, 21 Նոյեմբեր 2024-ի երեկոյեան, ՀԲԸՄ Մանուկեան-Տեմիրճեան վարժարանի «Աղաճանեան» հանդիսասրահին մէջ տեղի ունեցաւ մշակութային ճոխ յայտագիր՝ ձօնուած ներկայիս գործող եւ երեսուն եւ աւելի տարիներ վարժարանին մէջ ծառայող ուսուցիչներու, պաշտօնէութեան եւ տնօրէններու: Անոնք են՝ Օրդ. Արուս Անդրէասեան (երաժշտ.), Տիկ. Հուրի Խեչումեան (Նախակրթարան), Պրն. Տիգրան Հեքիմեան (մարմնամարզ), Տիկ. Արփի Մանկրեան (հաշուապահ.գրասենեակ), Տիկին Թագուշ Նալպանտեան եւ Տիկ. Քնար Պօղոսեան (Հայերէնի ուսուցչուհիներ), Պրն. Լեւոն Քէշիշեան (գրասենեկային պաշտօն.) եւ Տիկ. Թագուշ Խոդաբախշեան (Նազարեան Ծաղկոցի տնօրէնուհի): Իսկ տնօրէնուհի Տիկ. Անահիտ Նալբանդեան աւելի քան քառասուն տարիէ իվեր կը պաշտօնավարէ որպէս Ուսողութեան ուսուցչուհի, փոխ-տնօրէնուհի եւ ներկայիս՝ տնօրէնուհի Միջնակարգ-
Երկրորդական բաժինի:

Մինչ հանդիսութիւնը, ներկաները ըմբոշխնեցին ազգային նուագարաններու աշակերտական ցուցահանդէսը՝ կազմակերպութեամբ երաժշտութեան եւ Հայ Մշակոյթի ուսուցիչներուն: Նոյն պահուն աշակերտներ
նուիրատուութիւններ կը հաւաքէին զօրակցելով հայրենիքի պաշտպան վիրաւոր զինուորներու եւ տեղահան արցախահայութեան:

Հանդիսութեան առաջին մասով ելոյթ ունեցան 6-11-րդ դասարաններու աշակերտները իրենց խօսքով, երգով, երգչախումբով, նուագով, պարով եւ թատերական ներկայացմամբ: Հնչեցին հայրենիքին, հայոց
լեզուին, հայ ուսուցիչին ու մեծարեալ կրթական մշակներուն նուիրուած խօսքեր:

Ելոյթ ունեցաւ նաեւ հայրենի երիտասարդ եւ տաղանդաշատ երգիչ Էրիկ Կարապետեան, խանդավառութիւնը հասցնելով գագաթնակէտին:

Երկրորդ մասը նուիրուած էր օրուան մեծարեալներուն: Ընթերցուեցաւ վարժարանիս նախկին տնօրէն՝ Պրն. Յակոբ Յակոբեանի շնորհաւորագիրը, խօսք առաւ վարժարանիս նախկին փոխ-տնօրէնուհի՝ Դոկտ. Էլլի Անդրէասեան, տեսանիւթով շնորհակալական խօսքեր արտասանեցին մեծարեալները: Ապա, տեղի ունեցաւ պարգեւատրում եւ յուշանուէրներու յանձնում Առաջնորդ Սրբազան Հօր եւ Վարժարանին կողմէ:

Սրտի խօսքեր արտասանեցին նախակրթարանի տնօրէնուհի՝ Տիկ. Զեփիւռ Շահոյեանը եւ Ուսումնական Ծրագիրներու Վարիչ՝ Դոկտ. Նաթալի Պէրպէրեանը՝ ուղղուած տիկիններ Նալբանդեանին եւ
Խոդաբախշեանին: Հանդիսութիւնը աւարտեցաւ վարժարանի Ընդհանուր Տեսուչ՝ Պրն. Դաւիթ Ղուկասեանի փակման խօսքով եւ Յովնան արքեպիսկոպոսի շնորհաւորական խօսքով ու աղօթքով:

Շնորհաւորելի են յայտագրին մասնակից հարիւրէ աւելի աշակերտները, անոնց հայոց լեզուի ուսուցիչները, երաժշտութեան ու պարի ղեկավարները, դպրոցի պաշտօնէութիւնը Հայերէնի բաժանմունքը
եւ բոլոր անոնք որոնք բաժինը ունեցան միջոցառման յաջողութեան մէջ: